DailynewsPK

اسلام آباد ( اُردو پوائنٹ اخبارتازہ ترین ۔ 30 دسمبر 2023ء ) سابق وزیراعظم، پی ٹی آئی کے بانی عمران خان کے اثاثوں میں گزشتہ پانچ برسوں کے دوران 27 کروڑ 72 لاکھ 55 ہزار روپے سے زائد کا اضافہ ہوگیا۔ میڈیا رپورٹس کے مطابق 2018ء میں عمران خان کے اثاثوں کی مالیت 3 کروڑ 86 لاکھ 94 ہزار روپے تھی اور اس بار کاغذات نامزدگی میں اثاثوں کی مالیت 31 کروڑ 59 لاکھ 50 ہزار روپے سے زائد ہے، بانی چیئرمین پی ٹی آئی نے زمان پارک لاہور میں 7 کنال 8 مرلے کا گھر وراثت میں ظاہر کیا ہے، زمان پارک کے گھر کی تعمیر پر 4 کروڑ 86 لاکھ روپے سے زائد کا خرچہ ظاہر کیا گیا ہے۔ بتایا گیا ہے کہ سابق وزیراعظم کے کاغذات نامزدگی میں بنی گالہ میں 300 کنال اراضی کی بطور تحفہ میں وصولی ظاہر کی گئی ہے، بنی گالا گھر کی تزین و آرائش اور ریگولرائزیشن کی مد میں 39 لاکھ روپے سے زائد کا خرچ ظاہر کیا گیا ہے، اسلام آباد کے علاقے مہرہ نور میں 50 لاکھ روپے مالیت سے زائد کی 6 کنال 16 مرلے اراضی ظاہر کی گئی ہے، اسلام آباد کے شاپنگ پلازہ میں 12 کروڑ روپے سے زائد مالیت کی دکان بھی ظاہر کی گئی ہے، 3 کروڑ 40 لاکھ روپے سے زائد مالیت کا دو...

اسلام آباد (اُردو پوائنٹ اخبارتازہ ترین۔ 29 دسمبر2023ء) اسلام آباد ہائیکورٹ نے چیئرمین پی ٹی آئی بیرسٹر گوہر کو بانی تحریک انصاف عمران خان سے سیاسی مشاورت کی اجازت دے دی۔ جسٹس میاں گل حسن اورنگزیب بانی پی ٹی آئی سے پارٹی ٹکٹوں کی مشاورت کی اجازت دینے کی درخواست پر سماعت کی۔ اس موقع پر ایڈشنل اٹارنی جنرل اور اڈیالہ جیل سپریٹنڈنٹ نے عدالت میں پیش ہوکر درخواست قابل سماعت ہونے کی مخالفت کی جس پر عدالت نے برہمی کا اظہار کرتے ہوئے کہا کہ کیا سپریم کورٹ سے آنے والا اضافی نوٹ آپ کے لیے کافی نہیں تھا؟ مجھ سے بھی اپنے خلاف نوٹ لکھوانا چاہتے ہیں؟ مشاورت میں مخالفت سے غیر جانبداری پر سوال اٹھتا ہے۔ عدالت نے درخواست گزار بیرسٹر گوہر کو بانی پی ٹی آئی سے مشاورت کی اجازت دیتے ہوئے درخواست نمٹادی اور حکم دیا کہ سپریڈنٹ اڈیالہ جیل کی نگرانی میں عمران خان ملاقات کرائی جائے۔ اسلام آباد ہائی کورٹ نے کہا کہ انتخابات کے لیے مشاورت کی اجازت بنیادی حق ہے، انتخابات میں نگران حکومت کوغیر جانبدار ہونا چاہیے۔ جسٹس گل حسن اورنگزیب نے ریمارکس دیے کہ ایڈووکیٹ جنرل آفس نگراں حکومت کی نمائندگی کر رہے ہیں، ایڈ...

لاہور (اردو پوائنٹ تازہ ترین اخبار ۔ 29 دسمبر 2023ء ) قومی ٹیم کے ٹیسٹ کپتان شان مسعود نے آسٹریلیا میں مسلسل دو اننگز میں نصف سینچریاں اسکور کرکے نیا ریکارڈ بنالیا۔ اس سے قبل میچ میں شان نے پہلی اننگز میں 54 رنز بنا کر اپنی بلے بازی کی مہارت کا مظاہرہ کیا تھا۔ قابل ذکر بات یہ ہے کہ دونوں اننگز میں ان کی کارکردگی نے ایک اہم کارنامہ قرار دیا جس نے انہیں 1983ء میں عمران خان کے بعد آسٹریلیا میں ٹیسٹ میچ کی دونوں اننگز میں نصف سنچری بنانے کا کارنامہ حاصل کرنے کے بعد وہ پہلے پاکستانی کپتان بنا دیا۔ شان مسعود کے کارنامے کی تاریخی اہمیت کو آسٹریلوی سرزمین پر ٹیسٹ میچ کی دونوں اننگز میں پاکستانی کپتانوں کے 50 یا اس سے زیادہ کے سکور کی نادر مثالوں سے واضح کیا جاتا ہے۔ 2023ء میں شان مسعود کی کامیابی سے قبل 1964ء میں حنیف محمد نے 104 اور 93 رنز بنائے تھے اور 1983ء میں عمران خان نے 83 اور ناقابل شکست 72 رنز بنائے تھے۔ مزید برآں شان مسعود کا کارنامہ پاکستان کی کرکٹ کی تاریخ کے دائرے سے آگے بڑھ گیا کیونکہ وہ میلبورن کرکٹ گراؤنڈ (MCG) میں ایک ٹیسٹ میں دو نصف سنچریاں بنانے والے پہلے آنے والے بل...

کراچی (اُردو پوائنٹ اخبارتازہ ترین - آن لائن۔ 26 دسمبر2023ء) منگل کو ملکی صرافہ مارکیٹوں میں ایک تولہ سونا300روپے مہنگاہو گیا جس کے بعد ایک تولہ سونا2لاکھ19ہزار600روپے کا ہو گیا جبکہ آل پاکستان سپریم کونسل جیولرز ایسوسی ایشن کی رپورٹ کے مطابق 258روپے کی کمی سے دس گرام سونے کی قیمت1لاکھ88 ہزار272روپے پر آ گئی تاہم عالمی مارکیٹ میں فی اونس سونا2072ڈالرپر مستکم رہا ۔ اس کے علاوہ فی تولہ چاندی کے بھائو 2650روپے پر بر قرار رہی

شاور ( اُردو پوائنٹ اخبارتازہ ترین ۔ 26 دسمبر 2023ء ) پشاور ہائی کورٹ نے پاکستان تحریک انصاف کو بلے کا انتخابی نشان نہ دینے کا الیکشن کمیشن کا فیصلہ معطل کرتے ہوئے پی ٹی آئی انٹرا پارٹی انتخابات کالعدم اور پارٹی نشان واپس لینے کے فیصلے پر حکم امتناع جاری کردیا، عدالتی فیصلے کے بعد میڈیا سے گفتگو کرتے ہوئے چئیرمین پی ٹی آئی بیرسٹر گوہر خان کا کہنا ہے کہ عدلیہ نے سازش ختم کردی، عدلیہ نے 25 کروڑ عوام کا عدلیہ پر اعتماد بحال کیا، ہمیں دیوار سے لگایا جارہا ہے لیکن بارہا کہا ہم نے کہا ہمیں عدلیہ پر اعتماد ہے۔ انہوں نے مزیدکہا کہ اب ہم اگلی تاریخ تک بلے کے نشان پر الیکشن لڑ سکتے ہیں،انتخابی نشان کسی پارٹی کی جان ہوتی ہے۔خیال رہےکہ عدالتی فیصلے میں کہا گیا ہے کہ کیس کا فیصلہ ہونے تک الیکشن کمیشن کا فیصلہ معطل ہوگا، عدالتی تعطیلات ختم ہونے کے بعد ڈبل بینچ میں یہ کیس سنا جائے گا۔ تفصیلات کے مطابق پی ٹی آئی نے انٹرا پارٹی انتخابات پر الیکشن کمیشن کے فیصلے کو پشاور ہائیکورٹ میں چیلنج کیا جہاں تحریک انصاف کی درخواست پر جسٹس کامران حیات میاں خیل نے سماعت کی، پی ٹی آئی کے وکلا علی ظفر، بابر اعوان ...

اہور (اُردو پوائنٹ اخبارتازہ ترین۔ 26 دسمبر2023ء) انڈوں کی فی درجن قیمت ملکی تاریخ کی بلند ترین سطح پر پہنچ گئی ، ملک کے بیشتر شہروں میں ایک درجن انڈوں کی قیمت 400 روپے سے تجاوز کر گئی۔ تفصیلات کے مطابق مہنگائی کا بے قابو جن سال کے اختتام پر بھی عوام کا برا حال کرنے میں مصروف ہے۔ سال کے اختتام پر مہنگائی کا ایک اور نیا ریکارڈ قائم ہو گیا ہے۔ میڈیا رپورٹس کے مطابق ملک میں انڈے مہنگے ہونے کے تمام ہی ریکارڈ ٹوٹ گئے ہیں، رواں سال کے اختتام پر ملک کے مختلف شہروں میں فی درجن انڈوں کی قیمت 400 روپے سے اوپر چلی گئی، ملکی تاریخی میں پہلی مرتبہ انڈوں کی قیمت 400 روپے کی سطح سے اوپر گئی ہے، یوں انڈوں کی فی درجن قیمت ملکی تاریخ کی بلند ترین سطح پر پہنچ گئی۔ ادارہ شماریات کی دستاویز کے مطابق فی درجن انڈوں کی اوسط قیمت 420 روپے ہو گئی ہے۔ دستاویز کے مطابق اسلام آباد، پشاور، فیصل آباد میں انڈے فی درجن 420 روپے میں فروخت ہونے لگے۔ سیالکوٹ میں انڈے فی درجن 410 روپے میں دستیاب ہیں۔ راولپنڈی، گوجرانوالا، لاڑکانہ اور ملتان میں انڈے 400 روپے فی درجن فروخت ہونے لگے، جبکہ کوئٹہ اور بنوں میں بھی انڈے فی د...

اسلام آباد (اُردو پوائنٹ اخبارتازہ ترین ۔ 24 دسمبر2023ء) سیاسی جماعتوں کی فہرست جاری، پارٹی سربراہان کی فہرست میں پی ٹی آئی کا خانہ خالی رکھا گیاہے۔ تفصیلات کے مطابق الیکشن کمیشن کی فہرست میں 175 سیاسی جماعتیں شامل ہیں، الیکشن کمیشن نےفہرست میں پی ٹی آئی کے نام کے ساتھ پارٹی قیادت کا خانہ خالی رکھا ہے۔ سابق وزیردفاع پرویز خٹک کی جماعت پی ٹی آئی پارلیمنٹیرئنز کو سیاسی جماعتوں کی فہرست میں شامل کیا گیا ہے۔ دوسری جانب 8 فروری 2024 کو ہونے والے عام انتخابات کیلیے ملک بھر میں کاغذات نامزدگی جمع کروانے کا وقت ختم ہوگیا۔ کاغذات نامزدگی جمع کروانے کا وقت ختم ہونے کے بعد الیکشن کمیشن آف پاکستان کی جانب سے امیدواروں کی ابتدائی فہرست اور اسکروٹنی کل سے شروع ہوگی جو 30 دسمبر تک جاری رہے گی۔ اسی طرح الیکشن کمیشن آف پاکستان نے پی ٹی آئی کی مخصوص نشستوں پر ترجیحی لسٹ روک دی ہے۔ رجمان الیکشن کمیشن کے مطا بق تحریک انصاف کاانٹرا پارٹی الیکشن کالعدم ہوچکا ہے۔انٹرا پارٹی الیکشن کالعدم ہونے کے بعد ترجیحی لسٹ روک دی گئی ہے۔ پی ٹی آئی نے قومی اور صوبائی اسمبلی کی مخصوص نشستوں کیلئے کاغذات نامزدگی جمع کر...

فیصل آباد (اُردو پوائنٹ اخبارتازہ ترین ۔ 24 دسمبر2023ء) سابق وزیر داخلہ رانا ثنا اللہ کی گاڑی کو حادثہ پیش آیا ہے۔ تفصیلات کے مطابق اہل خانہ کے مطابق رانا ثنا اللہ کی گاڑی کو حادثہ فیصل آباد بائی پاس کے نزدیک پیش آیا۔ سابق وزیر داخلہ کے اہل خانہ کے مطابق حادثے میں فیملی کے سب افراد محفوظ ہیں، البتہ تین گاڑیوں کو نقصان پہنچا۔ اہل خانہ کا کہنا ہے کہ رانا ثنا اللہ فیملی کے ہمراہ فیصل آباد سے لاہور آ رہے تھے، گنوں سے بھری ٹرالی گاڑی سے ٹکرائی۔

لاہور (اُردو پوائنٹ اخبارتازہ ترین - این این آئی۔ 23 دسمبر2023ء) لاہور کے مختلف علاقوں میں ہلکی بوندا باندی سے موسم مزید سرد ہو گیا۔صوبائی دارالحکومت کے علاقے مال روڈ، لکشمی چوک، بند روڈ، کرشن نگر، مزنگ، جوہر ٹان، رائے ونڈ، باغبانپورہ، فتح گڑھ اور رنگ روڈ کے اطراف بھی اکثر مقامات پر ہلکی بارش ہوئی ۔ادھر اسلام آباد و گردونواح میں ہلکی بارش سے سردی کی شدت میں اضافہ ہوگیا تو دوسری جانب پشاور میں بارش کے بعد خشک سردی کا زور ٹوٹ گیا اور موسم خوشگوار ہوگیا۔ محکمہ موسمیات کے مطابق آئندہ 24گھنٹوں کے دوران ملک کے بالائی اور وسطی علاقوں میں موسم سرد اور مطلع ابر آلود رہنے کیساتھ چند مقامات پر ہلکی بارش، بوندا باندی اور پہاڑوں پرہلکی برف باری متوقع ہے جبکہ میدانی علاقوں میں شدید دھند اور سموگ چھائے رہنے کا امکان ہے۔ دوسری جانب بارش کے بعد سموگ اور دھند کی شدت میں کمی،دھند کی شدت میں کمی کے بعد تمام موٹر ویز ٹریفک کے لئے کھلی رہیں۔موٹر وے ایم ٹو اورلاہور سیالکوٹ موٹر ویزپر ٹریفک کی روانی جاری ہے۔

اسلام آباد ( اُردو پوائنٹ اخبارتازہ ترین ۔ 23 دسمبر 2023ء ) اسلام آباد ہائی کورٹ نے نومبر 2022ء کا ایم ڈی کیٹ رزلٹ 2 سال تک درست اور موزوں قرار دے دیا۔ تفصیلات کے مطابق میڈیکل اینڈ ڈینٹل کالجز کے داخلہ ٹیسٹ کے نتائج کے حوالے سے اہم پیش رفت سامنے آئی ہے کیوں کہ اسلام آباد ہائی کورٹ نے نومبر 2022ء کے ایم ڈی کیٹ رزلٹ کو 2 سال کے لیے موزوں قرار دیا ہے، اس حوالے سے اسلام آباد ہائی کورٹ کے جسٹس میاں گل حسن اورنگزیب نے فیصلہ جاری کر دیا، درخواست گزارکی جانب سے خلیق الرحمن سیفی ایڈوکیٹ نے کیس کی پیروی کی۔ اسلام آباد ہائی کورٹ کے فیصلے میں کہا گیا کہ نومبر 2022ء کا ایم ڈی کیٹ رزلٹ نومبر 2024ء تک قابل قبول ہے، درخواست گزار لائبہ رؤوف نے نومبر 2022ء میں ایم ڈی کیٹ ٹیسٹ پاس کیا، اُس وقت قانون کے تحت ٹیسٹ کا رزلٹ 2 سال کے لیے موزوں اور درست تھا۔ عدالتی فیصلے سے معلوم ہوا ہے کہ اسی قانون کو مدنظر رکھتے ہوئے درخواست گزار نے پی ایم ڈی سی کے 14 جولائی 2023 کے پبلک نوٹس کو چیلنج کیا کیوں کہ پی ایم ڈی سی نے نوٹس میں کہا تھا 2022ء کے پاس کردہ ایم ڈی کیٹ پر 2023ء میں داخلہ نہیں ملے گا۔ اسلام آباد ہائ...

لاہور (اردوپوائنٹ اخبارتازہ ترین ۔ 22 دسمبر 2023ء) سینئر صحافی ، اینکر حامد میر نے کہا ہے کہ 2018 میں عمران خان کو وزیراعظم بنانے کی طرح آج نوازشریف کیلئے وہی تاثر بن چکا ہے، اس وقت ساری ریاستی مشینری نے زور لگا کے عمران خان کو وزیراعظم بنا یا تھا،اب تاثر ہے کہ پورا زور لگا کرنوازشریف کو وزیراعظم بنانا ہے،سائفر فیصلے سے جوڈیشری کو یہ تاثر ختم کرنے میں بڑی مدد ملے گی۔ انہوں نے جیو نیوز کے پروگرام میں گفتگو کرتے ہوئے کہا کہ عدالت کے آج کے فیصلوں کو تحریک انصاف کو بڑا فائدہ ہوگا، پاکستان میں اس وقت کاغذات نامزدگی جمع کرانے والے پی ٹی آئی کے امیدواروں کو گرفتار کرلیا جاتا ہے ، یا پھر کاغذات چھین لیے جاتے ہیں یا پھر ریٹرننگ آفیسر خود کو کمرے میں بند کرلیتا ہے۔ پی ٹی آئی کا بڑا مورال ڈاؤن تھا، لیکن سپریم کورٹ کے فیصلے خاص طور پر جسٹس اطہرمن اللہ کے نوٹ کو دیکھا جائے تو یہ ان سب کا فائدہ ہے جو آئین قانون کی بالادستی چاہتے ہیں۔ جوڈیشری کو یہ تاثر ختم کرنے میں بڑی مدد ملے گی کہ وہ بالکل بے اختیار نہیں ہے، جس طرح 2018میں فیصلہ کرلیا گیا تھا کہ عمران خان کو وزیراعظم بنانا ہے پھر ساری ریاستی م...

لاہور (اردو پوائنٹ، تازہ ترین اخبار، 21 دسمبر 2023) مسلم لیگ ن کے سینئر رہنما اور سابق وزیر دفاع خواجہ آصف نے کہا ہے کہ ہو سکتا ہے کہ الیکشن کمیشن تاریخ کے بجائے شیڈول تبدیل کردے۔ انہوں نے نجی ٹی وی چینل کے پروگرام میں گفتگو کرتے ہوئے کہا کہ کاغذات جمع کرانے کی تاریخ میں بھی توسیع ہوسکتی ہے، انتخابات میں عوام کیلئے سازگار ماحول بنانا ہوگا۔ خواجہ آصف کا کہنا ہے کہ طاقت کا سر چشمہ پاکستانی عوام ہیں، ان کو بلاخوف و خطر حق رائے دہی استعمال کرنے کی اجازت ہونی چاہئے۔ انہوں نے کہا کہ تحریک انصاف 8 فروری کو عوامی عدالت میں جانے سے گھبرا رہی ہے، اور مظلومیت کی کہانی بیچنے کی کوشش کررہی ہے۔ خواجہ آصف کا کہنا تھا کہ الیکشن کو سازش کے تحت متنازع کیا جا رہا ہے، تحریک انصاف 8 فروری کو عوامی عدالت میں جانے سے گھبرا رہی ہے، اور مظلومیت کی کہانی بیچنے کی کوشش کررہی ہے، سابق امریکی صدر کو بغاوت کے الزام میں نااہل کر دیا گیا ہے، اب ڈونلڈ ٹرمپ اپنی سپریم کورٹ میں جا کر اپیل کریں گے، کیا 9 مئی کے واقعات کے خلاف کارروائی نہیں ہونی چاہئے، امریکا میں نااہلی ہو سکتی ہے تو یہاں کیوں نہیں۔ سابق وفاقی وزیر نے ...

لاہور ( اُردو پوائنٹ اخبارتازہ ترین ۔ 20 دسمبر 2023ء ) قائد مسلم لیگ ن میاں محمد نواز شریف نے این اے 15 مانسہرہ سے الیکشن لڑنے کا فیصلہ کر لیا۔ نواز شریف نے این اے 15 سے کاغذات نامزدگی حاصل کر لیے۔ سابق وفاقی وزیر سردار محمد یوسف نے بھی این اے 14 مانسہرہ سے انتخابات میں حصہ لینے کا فیصلہ کیا ہے۔سردار محمد یوسف نے این اے 14 مانسہرہ سے کاغذات نامزدگی حاصل کر لیے۔ علاوہ ازیں پاکستان مسلم لیگ ن نے ملک بھر میں امیدواروں کو کاغذات نامزدگی جمع کرانے کی ہدایت جاری کردی ہے۔ پاکستان مسلم لیگ ن کے صدر شہبازشریف نے پارٹی ٹکٹ کے امیدواروں کو کاغذات نامزدگی جمع کرانے کی باضابطہ اجازت دی۔اس حوالے سے پارٹی اعلامیہ بھی جاری کر دیا گیا ہے جس میں کہا گیا ہے کہ الیکشن شیڈول جاری ہونے پر پارٹی ٹکٹ کے خواہش مندوں کو کاغذات جمع کرانے کی اجازت دی گئی۔ ہر امیدوار کو 22 دسمبر تک پارٹی کے متعلقہ ضلعی صدر کو حلف نامہ جمع کرانا ہوگا۔اعلامیے میں مزید کہا گیا کہ پارٹی ٹکٹ جاری نہ ہونے کی صورت میں امیدوار اپنے کاغذات نامزدگی واپس لیں گے، پارٹی کے نامزد امیدوار کی حمایت کریں گے۔ امیدوار متعلقہ ریٹرنگ افسران کو اپنے...

  اسلام آباد (اردو پوائنٹ، تازہ ترین اخبار 19 دسمبر 2023)  پی ٹی آئی  کے دو سینئر رہنماؤں نے پارٹی چھوڑنے کا اعلان کردیا۔ تفصیلات کے مطابق سابق ایم این اے سید فیض الحسن شاہ اورچودھری ارشد نے پی ٹی آئی چھوڑنے کااعلان کیا ہے۔ سابق ایم پی اے چودھری ارشد نے کہا کہ 9مئی کا واقعہ ہم سیاستدانوں پر بوجھ ہے ۔ سیاست چھوڑنے کا اعلان کرتا ہوں ،کسی پارٹی کو جوائن نہیں کروں گا اور نہ ہی  انتخابات  میں حصہ لوں گا۔ سید فیض الحسن شاہ کا کہنا ہے کہ 9مئی کے واقعات کی مذمت کرتا ہوں۔9مئی کے ذمہ داران جو بھی ہیں انھیں سزا ملنی چاہیے۔  پی ٹی آئی  اور سابق چیئرمین پی ٹی آئی سے لاتعلقی کا اعلان کرتا ہوں۔ ادھر پاکستان  تحریک انصاف  کے لودھراں سے سابق ممبر  قومی اسمبلی  میاں شفیق آرائیں نے  الیکشن  میں حصہ نہ لینے کا اعلان کردیا۔ پی ٹی آئی رہنما میاں شفیق ارائیں 2018 کے عام  انتخابات  میں لودھراں شہر کے  حلقہ  سے  پاکستان تحریک انصاف  کے ٹکٹ پر ممبر  قومی اسمبلی  منتخب ہوئے تھے۔ شفیق آرائیں کے بعد  جہ...